"गजल"

जीवनमा सबैको नियतिले खेल खेलेकै छ
चोट बोकेको मुटुलाई प्रितिले खेल खेलेकै छ ! (१)

बाटो मुनिको फूल म तिमी क्षितिजको अग्लाई भयौ
एक प्राणलाई दुइ बनाउन रुडीले खेल खेलेकै छ !! (२)

महाकाल सामु कसम खाई संगै बाँच्छु-मर्छु भनथ्यौ
माया त्यागी धन अपनाउनेलाई युगले खेल खेलेको छ !!! (३)

मेरो जीवन तिम्रो सिउदो रंगाउनेलाई दोष म दिन्न
अभागीको हत्केलाको रेखाले खेल खेलेकै छ !!!! (४)

माटोमा सबै मिल्नैपर्छ अजम्बरी केहि छैन
माया भन्ने अमर ठान्थे समयले खेल खेलेकै छ !!!!! (५)

--समीर "गोर्खा" छेत्री--
रचनाकाल- ४/७/२०११