गोली थाप्छु छातीमा बरु बैरी कसै पस्न दिन्न
आमा बेची सन्तान पोश्नेलाई भित्र म पस्न दिन्न ! (१)
बिरे,बले,बिर्खे अब “शहिद” होइन अवाज बनोस्
सिरुपाते अब उसो आफन्त माथि म खस्न दिन्न !! (२)
आँखा हुने “अन्धो” हरु आँखा खोलि हिड्न सिकोस्
कालोलाई रातो,रातोलाई कालो अब उसो म भन्न दिन्न !!!(३)
“उसले” त गर्नु गरयो, टाप पनि लगाई हाल्यो
अब उसो कसैलाई नि “त्यसो” म गर्न दिन्न !!!! (४)
काम गर्ने हनुमान......जस पाउने ढेडू
अब उसो कहिलेपनि “प्रमिला” लाई म मर्न दिन्न !!!!! (५)
सुक-सुक गर्छ “मुख लुकाई” एकान्तमा हिज आज
अब उसो मेरो पहाडको आँशु म झर्न दिन्न !!!!!! (६)
-- समीर "गोर्खा" छेत्री--
रचनाकाल-- ४/७/२०११
No comments:
Post a Comment
Note: Only a member of this blog may post a comment.